بسم الله الرحمن الرحيم
السلام عليكم ورحمة الله وبركاته............وبعد
اعزائي هذه قصة مصرحة باسم عائلة الفتاه التي ظُلمت من قِبل جامعة أم القرى وهذه الفتاة هي <<زارا الفارسي (الله ينصرها ويشفيها ويقومها على خير )آآآمين يارب
بدأت قصة هذه الفتاة في يوم السبت الموافق 10-6-1429 طبعا انا حتكلم بالعاميه احسلي
> > > المهم
صاحبتي زارا الفارسي مريضه بمرض في الكلى الله يحميها ويحميكم
فدايما تروح الحمام الله يكرمكم عشان تقضي حاجتها يعني هيا من (اصحاب الحمام)وفي يوم السبت جاها الله يكرمكم اسهال قبل الاختبار وكان الاختبار الفتره الاولى راحت في حمام قريب من القاعة 207 في مبنى( ط )وهادي الحمامات مافيها اقفال وهيا في الحمام اتصلت على صاحبتها تجي تمسكلها الباب الين مافضي الحمام جات وحده من العاملات وقالتلهم ''انتا ايش سوي اتنين نفر لحال هات بطاقه انت وانا في روح علم''وطلعت اشتكت
للدكتورة (لمياء جعفر ثابت )في جناح شؤون الطالبات2 وقامت نزلتلهم وقالتلهم انتو منظركم مشبوه هاتوا جوالاتكم وجرتها منهم فسمعت انو اللي على جوال زارا امها واجنبيه فسارت تقوللها يامهجنه ياللي مالك اصل وتقول للتانيه يابنتي الله يهديكي ليش تسمعي كلام الاجانب وتسوي حاجات غلط وريني جوالك حبيبي ولمن طلعت الجوال قامت اخدته
فابوا زارا اتصل على جوال بنته وترد لمياء وسارت تقله اصلك ماربيت بنتك ومن داه الكلام فتطاولا الاتنين على بعض
قامت لمياء قلت شوفوا بالله اش قالت ''مدام قلتوا لاهلكم وانا قلتلك لا تقولي لاهلك ماراح اعطيكي الجوال''فراحت حبيبتي زارا
للدكتوره /شاديه- في قسم الانقلش عشان تساعدها فودتها عند الدكتورة /مها خياط
وكتبوا شكوى على لمياء وخلت ابو زارا يروح لجامعه الاولاد بالعزيزية
واشتكى عليها المهم باختصار ماخلوا احد ماراحولوا عشان يشتكوا عليها
وفي المعمعه هادي ابو زارا كلم الدكتورة /هيفاء فدا وسوت نفسها الانسانه الطيبه وقالتلوا انت زي اخويا ومن داه الكلام
ففي يوم التلوت ابو زارا جابها الجامعه(وهيا ماعندها اختبار) وقالها ماتخرجي منها الا وانت جايبه الجوالين راحت للمياء وكان معاها نجلاء الاحمدي اخدوها وسكوا عليها الباب بالمفتاح وقالولها نعطيكي الجوال بس بشرط تكتبي اعتراف بخط يدك انوا انا ماليا صلاح وانو انت ممسوكه متلبسه طبعا زارا مارضيت فجرتها من يدها بالقوه الين مازارا خافت وشردت وهاديكا جرت شنطتها وكان فيها بطاقتها فلوس وجوال امها وعبايتها وقالتها لمياء انا ماراح اسييييييييبك انا ماراح اسييييييبك جا يوم الربوع وعلى اساس انو زارا جايه التلوت وقالتلهم اانو هدا اخر يوم اختبارات ومحد يعرف انها في الجامعه الا هيفاء فدا لانها عامله نفسها البنت الطيبه فلمن دخلت الاختبار في قاعه 207 الفتره الاولى وخلصت الاختبار وكالعاده تبى تروح الحمام الله يكرمكم فشافت الحمام انو في بنات بيزبطوا شعورهم
دخلت الحمام اللي ماله قفل الله يهديها وحطت عصير كاديه ازرق وشنطتها قريب من الباب عشان لو احد مر يعرف انو في احد في الحمام
وكان الحمام عربي وفجاءه وهيا بتقضي حاجتهادخلت عليها حرمه تكرونيه ماهي متينه بس كلها قعوووووور ومن التكارنه اللي يلبسوا طرح وسارت تضرب فيها وتضرب ولمن شافت انوا زارا شافت وجهها قامت مسكت الطرحه بفهما عشان تحاول تغطيه
وزارا كانت تزعق وترفز والبنات اللي في الحمام زعقوا وخرجوا والعامله الهنديه تطالع وتبكي بس لمن زارا كانت ترفز قامت كسرت العصير
فشافت التكرونيه القزاز واخدت قزازه وسارت تحاول تقطع عرق في رقبتها وزارا بتصارع فجات شرطات على وجهها وصدرها ورقبتهاوبعدين لمن ماقدرت راحت على يدها تبى تموتها وساره مازالت بتصارع مالقت عرق قامت سارت تغرز القزازاه بااقوى ماعندها بين فخودها طبعا تعرفوا قوه التكارنه كيف ،المهم شردت بنت الحرام وبعدها زارا انفجعت وصكت الباب وسارت حاطه رجلها عليه لاتجي تاني عشان تقتلها
فلمن ابوها عرف وراح ارسل رساله للدكتور/صالح المبعوث -على اساس انو رئيس الشوؤن للطلاب وكان واقف معاه لمن مارد عليه !!
قام اتصل عالشرطه وجابهم معاه لمن راحوا المستشفى الزاهر عدو الاجراح طلعت56 جرح وطبعا صوروها وراحت فتحتلهم محضر في شرطه جرول ومازالت القصه في تطور ولو سار اي شي جديد راح اكتبوا وانشروماراح اسكت لانه هدا اقل شي اسويه لصحبتي
حسبي الله ونعم الوكيل على جامعتنا الظالمه في اطهر ارض
لا زالت الفتاة في المستشفى على فراش الموت على حد علمي ولهذا تعتبر جريمة قتل وهذه ليست تهمة واحده بل تهمتين للفتاة الاولى اتهامها بالشبهه وهي أشرف من ذلك والاتهام الاخر هي الاعتداء عليها نرجو منكم دعواتكم لها بالشفاء و بنصرتها على الجامعه اللي طول عمرها بتتستر على افعالها
موضوع: جريمة قتل في جامعة ام القرى 
